Gigi Julak Ijuh

Na lah, ada kesah diaku ni buhannya ay. Tapi kesah nangini fiktif balaka alias karangan haja karamput wara. Anggap hiburan, jadi mun ada kasamaan tampat atawa sarupa ngaran, maka dintu kada sanghaja alias kabalujuran samata.

Ayuha damini kesahnya: Jadi ada sabuah kampung, ngarannya kampung Kayu Manis, bujur haja sambatannya kampung tapi panduduknya banyak, rumah marapat, lampu PLN banyu PDAM masuk jua sudah.

Kabalujuran listrik ada nang kunslit di kampung nitu teh, lalu habis barapa buah rumah kamandahan. Api habis mambanam harta banda anggit warga, garahukan bubuhan binian manangis kasasadihan kana musibah niti.

Habis lacit ka tahi cacak lingis dapatnya api si jaguan habang. Tumbur, sadih, habut sakampungan tipang.

Tamasuk jua rumah Julak Ijuh habis mandah saalaman, kandaraan dua buah taumpat jua hangit, lamari, tipi, dukumin surat panting kada sawat jua manyalamatakan.

Tamasuk jua gigi sidin taumpat jua habis mandah, hangit dibanam api.

Tapi nang anihnya Julak Ijuhnya kada napa-napa, sihat bigas waras, napa kasaktian nang dikaji sidin niya maka kada luyuh padahal gigi haja habis tabakar??

Laluay ada nang manyalidiki, sakalinya gigi sidin tuti GIGI PALSU nang tatinggal diatas atang mantuk sidin makan. Tulak ka pahumaan sidin mangincang, kalumpanan di mana maandak gigi, pas taumpat hangit maraga kamandahan.

Dintu sakalinya buhannya ay. . .

Gambar matan: tipskesehatan.web.id