SI PULAN BULIK KA BANUA 2 (HABIS)

Nah han, balanjut pulang kita ka kisah Pulan sumalam. Inya nyaman sudah wahini lalu handak bulik ka banua pulang. Tulak ba ampat baranak, alhamdulilah kada bataksi mutur kul lagi, tapi ba mubil ban ampat ampunnya saurang.

Tiiii. . .t. . .

Babunyi kalaksun mubil Pulan nang hanyar nitu, mirikx Honda CRV, putih mancarunung kalirnya hanyar kaluar pada dealer napa. Pas hinggapnya di bawah rapun asam di halaman julak tuha.

“Ninii. . . !” ujar Aluh anak Pulan nang pahalusnya kukuciak sambil turun pada mutur nang harat tu tih.

Takijat urang sarumahan, badadas turun julak mahaga. Pina tasisit tapih sidin sampai kaliatan buku lintuhut nang takariput.

“Uh. . . Umay. . . Pulan nah niti?!” Pina tiring maniring sidin matan sapatu kulit Pulan sampai ka atas kupalanya nang licin basamir hirang. “Ayu naikan, sini dang, sini ucu!” salalu marauh Aluh mangilik cucu di kamanakan nang kada suah batamuan.

Saidang idang ay wan bini Pulan apa mun liwar bengkengnya hari itu si Limah. Baju nang tukaran di mall di butik nitu, kakambannya warna habu ruku bagambar tulisan lugu Lois Vuitton nang kainnya pina licin mancilang. Limah manjinting tas Hermes nang bagirap batu ruby wan karistal Sawarovski. Pakayan kangkalung haja bilang handak nang kaya rantai kapal nang sandar di darmaga palabuhan Trisakti, buah mata kalungnya nangkaya tungkul pisang manggala di kabun pahumaan pa haji Asli. Galangnya kada kisah lagi, bila bagarak bini Pulan manggaruncay galang karuncung nang bilang lacit ka inggan siku kiwa kanan.

“Bah, baduit banar kamanakanku ni salawas madam pada banua.” Ujar hati julak tuha. Maricak ilat sidin, tauling kupala.

Saitu saini sidin manyuruh naik ka rumah, badadas maulahakan banyu satrup wan manyurung wadai pais buta.

“Hadang dahulu pulan lah, diaku handak ka subalah. Itu paranah mamarina ikam jua. Kuburan di alah tanah wakap langgar tu kubur uma abah ikam. Pa uwan nang bamajlis di hulu tu paranah pakai’an lawan ikam. Nang baisi bingkil las di hilir tu dangsanak sakatirian wan arwah abah ikam. Nang di higa rumah ni sapupu talu kali wan ikam.”

Habis tu pang juriyat manjuriyat silsilah kulawarga di baca julak tuha, kababang sidin bakiyawan kukulaan subalah manyubalah mahabarakan si Pulan nang sugih datang baelang.

Haaann. . .

T A M A T

Buat suamiku terkasih:

“Terima kasih atas ide, kata-kata dan cerita yang penuh pelajaran tentang kondisi sosial masyarakat di sekitar kita ini.”

^_^v

5 thoughts on “SI PULAN BULIK KA BANUA 2 (HABIS)

  1. Assalamualaikum,

    Umay ae, bisa jua sakalinya abahnyalah mambari ide wan umanya!

    Tapi dasar bujur, kaya ngitu pang kabiasaan urang2 wayahini.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s